ԵՐԵՎԱՆ, 27 ապրիլի - Sputnik․ Ամերիկահայ հեռուստաաստղ Քիմ Քարդաշյանը Քանյե Ուեսթից բաժանվելուց հետո սկսել է հանդիպել մեկ այլ տղամարդու հետ։ Այս մասին գրում է Daily Mail-ը։
Պարբերականի հաղորդմամբ՝ 40-ամյա Քիմ Քարդաշյանը սիրավեպ է սկսել CNN-ի լրագրող 52-ամյա Վան Ջոնսի հետ։ Առայժմ հայտնի չէ, թե որքան լուրջ են նրանց հարաբերությունները, բայց զույգին շատ են տեսնում տարբեր վայրերում։
Հայտնի է, որ Ջոնսը Քիմի մտերիմ ընկերներից է, նա օգնել է Քարդաշյանին իրավաբանի մասնագիտություն ստանալու հարցում։
Նշենք, որ Քիմ Քարդաշյանը ամուսնացած է եղել երեք անգամ, վերջին ամուսնուց՝ Քանյե Ուեսթից, նա բաժանվել է այս տարվա փետրվարին։ Նրանք չորս երեխա ունեն՝ Նորթը, Սեյնթը, Չիկագոն և Փսալմը։
Իսկ Վան Ջոնսը 14 տարի է ապրել կնոջ՝ Ջանա Քորթերի հետ, նրանք բաժանվել են 2019-ին։
Քիմ Քարդաշյանը միլիարդատեր է դարձել և ընդգրկվել աշխարհի ամենահարուստ մարդկանց ցուցակում