ԵՐԵՎԱՆ, 22 ապրիլի – Sputnik. «Արմոնիա» կրթական հարթակը տաղանդավոր երիտասարդների է փնտրում։ «Արմոնիա 2021» մրցույթի կազմակերպիչ «Armenian Assembly» ՀԿ-ն մասնակցության է հրավիրում 9-ից 17 տարեկան բոլոր երիտասարդ երաժիշտներին, որոնք նվագում են փողային, լարային կամ ստեղնաշարային գործիքներ և ունեն դասական երաժշտական կրթություն։
Ինչպես 2020 թվականին, մրցույթն անցկացվում է առցանց ձևաչափով armonia.me կայքում։ Հաղթողները դրամաշնորհ կստանան, որը կկարողանան օգտագործել բացառապես ստեղծագործական զարգացման և կրթական նպատակով։
Մրցույթն անցկացվելու է երկու փուլով, տեսագրությունների հիման վրա։
Ապրիլի 1-ից մինչև մայիսի 10-ը մրցույթի կայքում կկատարվի առցանց դիմումների ընդունում, իսկ մայիսի 11-ից 18-ը նախընտրական փուլի ժյուրիի անդամները կընտրեն յուրաքանչյուր տարիքային խմբի լավագույն կատարողներին։ Եզրափակիչ փուլ կանցնեն 15 կատարող։
Մայիսի 19-ից 25-ը եզրափակիչ փուլի ժյուրիի անդամները կընտրեն յուրաքանչյուր տարիքային խմբի հաղթողներին։
Ժյուրիի կազմում են Կոնստանտին Օրբելյանը, Սերժ Թանկյանը, Ջիվան Գասպարյանը, Սերգեյ Սմբատյանը, Միխայիլ Խոխլովը, Ստաս Նամինը, Աննա Կասյանը, Աննա Ագլատովան, Արտյոմ Մանուկյանը, Ջիվան Գասպարյան կրտսերը, Տիգրան Հեքեքյանը։
Անահիդ Աբադի «Եվա» ֆիլմն արժանացել է Հռոմի Ֆրանկոֆոն փառատոնի հանդիսատեսի մրցանակին