ԵՐԵՎԱՆ, 16 ապրիլի - Sputnik. Ամերիկյան Չիկագո քաղաքում ոստիկանը կրակել է 13-ամյա Ադամ Տոլեդոյի ուղղությամբ, որը կրակելու պահին զինված չի եղել։ Տեղեկությունը հայտնում է The Hill-ը։
Ոստիկանները մեկնել են առավելապես լատինամերիկացիներով բնակեցված շրջան, որտեղ կրակոցներ են հնչել։ Երբ հասել են դեպքի վայր, երկու տղայի են տեսել՝ Տոլեդոյին և նրա 20 տարեկան ընկերոջը` Ռուբեն Ռոմանին։ Երկու կասկածյալներն էլ փախել են, Ռուբեն Ռոմանին ձերբակալել են, իսկ Տոլեդոն կանգ է առել միայն մի քանի տասնյակ մետր անց։
Կրակոցներ Երևանում. մի քանի մարդ հիվանդանոց է տեղափոխվել
Տեսանյութում ոստիկանը հետապնդում է դեռահասին ու բղավում, որ նա զենքը գցի։ Տղան կանգնում է ցանկապատի մոտ, ձեռքերը վեր պարզում ու շրջվում, այդ պահին ոստիկանը կրակում է նրա ուղղությամբ։ Իրավապահները փորձում են առաջին օգնություն ցուցաբերել, բայց տղան մահանում է։
Տեսանյութում երևում է նաև, որ տղայի ձեռքում ատրճանակ հիշեցնող առարկա կա, որը, ըստ փորձագետների, նա նետել է շրջվելուց առաջ։