ԵՐԵՎԱՆ, 14 ապրիլի - Sputnik. Անհնար է գումարի դիմաց մասնակցել Վլադիմիր Պոզների ծրագրին։ Sputnik Արմենիայի թղթակցի հետ զրույցում ասաց Պոզները՝ մեկնաբանելով հայկական ԶԼՄ-ներում տարածված լուրերը, թե նա 200 հազար դոլար է ստացել Հայաստանի նախկին նախագահ Ռոբերտ Քոչարյանի հետ հարցազրույց կազմակերպելու համար։
«Ինձ համար նույնիսկ ծիծաղելի է մեկնաբանել դա։ Ես ուրախ կլինեի, եթե նա ինձ վճարեր, բայց, ցավոք, եթե ինչ-որ մեկին էլ վճարել է, ապա ոչ ինձ։ Անհնար է գումար վճարելով իմ հաղորդմանը մասնակցել։ Դա իմ ծրագիրն է, ես դա անում եմ, իսկ Առաջին ալիքը գնում է ինձանից»,- ասաց Պոզները Սանկտ Պետերբուրգի «Մշակույթների երկխոսություն» XV միջազգային մեդիա-ֆորումի կուլիսներում։
Հեղինակային ծրագրին մասնակցելու համար հաղորդավարի հրավեր է անհրաժեշտ։ Քոչարյանի անձը, Պոզների խոսքով, իր համար հետաքրքիր է։
«Իմիջիայլոց, ես հաճույքով հարցազրույց կվերցնեի նաև Հայաստանի ներկայիս վարչապետից, բայց...», - նշեց է լրագրողը:
Հիշեցնենք՝ Հայաստանի երկրորդ նախագահն ապրիլի սկզբին հարցազրույց էր տվել ռուսական Առաջին ալիքով հեռարձակվող «Պոզներ» ծրագրին։
Ռուսաստանը դավաճանե՞լ է Հայաստանին. Քոչարյանի պատասխանը՝ Պոզների հարցին