ԵՐԵՎԱՆ, 14 ապրիլի – Sputnik. ՀՀ վարչապետ Նիկոլ Փաշինյանը Շուշիի անկման հետ կապված մի շարք հարցեր ունի, որոնք ուղված են կոնկրետ անձանց։ Նա այդ մասին ասաց այսօր Ազգային ժողովում պատգամավորների հետ հարցուպատասխանի ժամանակ։
«Մինչև հիմա հրապարակավ չեմ ասել, բայց աշխատանքային քննարկումների ժամանակ ես ասել եմ, որ Շուշիի անկման վերաբերյալ հարցեր ունեմ։ Մենք բախվել ենք մի իրականության հետ, որ պետք է նայենք, թե զեկույցներն ինչքանով են եղել ճշմարտացի, եղե՞լ են դրանցում խեղաթյուրող տվյալներ։ Եթե կան նման տվյալներ, ապա դա դիտավորյա՞լ է ասվել, թե պատահաբար»,–ասաց Փաշինյանը` հավելելով, որ այս բոլոր հարցերի պատասխանները պետք է ստանան։
Նա կողմ է ճշմարտության հանձնաժողովի ստեղծմանը, որը պատերազմի մասին մանրամասներ կհայտնի, սակայն հարցն այն է, որ ապրիլյան պատերազմի քննիչ հանձնաժողովի զեկույցի 90 տոկոսը պետական գաղտնիք է և հրապարակման ենթակա չէ։
Փաշինյանի խոսքով` նախկինում գերադասում էր ասել` ինքն է մեղավոր, իրեն տեղյակ են պահել ամեն ինչից` հաշվի առնելով ռազմաքաղաքական իրավիճակը։
«Հիմա էլ եմ ասում, որ մեղավոր եմ, բայց հավելում եմ նաև, որ ճշմարտությունը չպետք է թաքցվի։ Այն, ինչ ասում եմ, ապացուցելի է, փաստաթղթերով ու ձայնագրություններով են ապացուցելի»,–շեշտեց վարչապետը։
Պատերազմի զոհերի թիվը մոտ 4000 է․ Փաշինյանը հրապարակեց պաշտոնական տվյալները
Անդրադառնալով Շուշիի մշակույթի տան ռմբակոծության հետևանքով մեծ թվով ոստիկանների զոհվելու դեպքին` Փաշինյանը նշեց, որ պետք է պարզել, թե ինչու էին այդքան մեծ թվով մարդիկ հավաքվել մեկ տեղում, երբ տարածքում օդային հետախուզությւոն էր իրականացվում։
Նա հավելեց, որ ՔԿ–ում քրգործեր կան հարուցված, քննությունը կտա մի շարք հարցերի պատասխանները։
Հեռախոսի լույսի ներքո. ինչպես են Շուշիի գորգերը հասել Երևան և ինչ են պատմում դրանք