ԵՐԵՎԱՆ, 14 ապրիլի - Sputnik․ ԱՄՆ միջազգային զարգացման գործակալությունը (ԱՄՆ ՄԶԳ) և Առողջապահության համաշխարհային կազմակերպությունը (ԱՀԿ) ՀՀ առողջապահության նախարարությանը թթվածնի խտացուցիչ ևս 150 սարք են նվիրել։ Տեղեկությունը հայտնում է նախարարության մամուլի ծառայությունը։
Նույն ծրագրի շրջանակներում Հայաստանին է տրամադրվել նաև 3 շարժական թվային ռենտգեն սարք և 3 ուլտրաձայնային ապարատ։
Նախարարությունից հայտնում են, որ բոլոր սարքավորումները տրամադրվել են COVID-19-ի բուժում իրականացնող հիվանդանոցներին։
Հայաստանում COVID-19-ի թեստավորման ծավալներն ընդլայնելու նպատակով ազգային լաբորատորիաներին տրամադրվել են նաև լաբորատոր պարագաներ, նմուշառման հավաքածուներ՝ նախատեսված 40 հազար ՊՇՌ թեստերի համար:
Ընդհանուր առմամբ, հատկացվել է ՊՇՌ թեստավորման համար անհրաժեշտ 313 320 պարագա, ներառյալ միանգամյա օգտագործման պիտույքներ, փորձանոթներ, միկրոպիպետներ և այլն, որոնք համաշխարհային շուկայում խիստ սահմանափակ են՝ հաշվի առնելով ստեղծված բարձր պահանջարկը։
Հայաստանում եթե անձը նախընտրում է Covid–ի դեմ կոնկրետ պատվաստանյութ, նրան չեն հերթագրում