ԵՐԵՎԱՆ, 13 ապրիլի – Sputnik. Ականջ ծակելը չի կարելի բացարձակապես անվտանգ գործողություն անվանել։ Sputnik ռադիոկայանին տված հարցազրույցում բժշկական գիտությունների թեկնածու, «Чистые Пруды» էսթետիկ բժշկության կենտրոնի գիտական ղեկավար, կոսմետոլոգ Ալիսա Շարովան ասել է՝ ինչպես այն ճիշտ անել, որպեսզի խուսափել հնարավոր ռիսկերից:
Շատ կանայք նույնիսկ չեն պատկերացնում, որ նման պարզ ու տարածված էսթետիկ «վիրահատությունը» կարող է տհաճ բարդությունների հանգեցնել։ Նրանք կարծում են, որ կարող են ծակել ականջները նույնիսկ տանը: Իրականում դա պետք է անի մասնագետը, որը փորձ ու անհրաժեշտ գործիքներ ունի», - ասել է Ալիսա Շարովան։ Վարպետը գնահատում է ականջների ձևն ու ընտրում ծակելու ճիշտ կետը, որ ականջօղերը սիմետրիկ լինեն։
«Կան, այսպես կոչված, սերտաճած բլթիկներ, երբ ականջի բլթիկը չի ձևավորվել։ Շատ կարևոր է նաև գեղագիտական տեսանկյունից կետը ճիշտ ընտրել, քանի որ դրանով զբաղվող վարպետը պետք է կանխատեսի՝ ինչպես է կախվելու ականջօղը, որ դա գեղեցիկ լինի», – ասել է կոսմետոլոգը։
Նա նշել է, որ գործողությունն անցավ ու անվտանգ անցկացնելու համար որոշակի հմտություններ են անհրաժեշտ:
«Օրինակ` ականջը ծակելիս ճիշտ է լապտերով լուսավորել այն հետևի կողմից, որ անոթները երևան: Դա թույլ է տալիս խուսափել անոթները վնասելուց, արյունահոսությունից, ուժեղ հեմատոմաներից», – բացատրել է Շարովան։
Ականջները սխալ ծակելու դեպքում կարող են լուրջ բարդություններ առաջանալ, օրինակ, պերիխոնդրիտը (ականջի խոռոչի բորբոքում):
«Այժմ բավական նորաձև է ծակել ականջն արտաքին եզրով՝ կռճիկի հատվածում։ Կռճիկը վնասելն ավելի լուրջ գործընթաց է, քանի որ այն բարդություններ բերելու ավելի մեծ հավանականություն ունի։ Օրինակ` պերիխոնդրիտի տեսքով, հիպերտրոֆիկ կամ կելոիդային սպիների առաջացման, որոնք տգեղ կդարձնեն ականջը», – ասել է նա Sputnik ռադիոկայանին տված հարցազրույցում:
Բժիշկը պատմել է բիոհաքինգի ֆենոմենի և օրգանիզմի համար դրա օգտի մասին
Մասնագետը նշել է, որ տնային պայմաններում ականջները ծակելու փորձերը կարող են հանգեցնել խոռոչների բորբոքման ու անցքի դժվար լավանալուն: Արդյունքը, նրա խոսքով, կարող է շատ տգեղ ստացվել։
Շարովան ընդգծում է, որ ականջի ծակման մասնագիտական մոտեցման դեպքում տարիքային սահմանափակում չկա: Ավելին, երեխաների մոտ բուժումն ավելի արագ է ընթանում։ Սակայն, նրա կարծիքով, ավելի լավ է երեխային հնարավորություն ընձեռել ինքնուրույն որոշել՝ ականջները ծակել, թե ոչ։