ԵՐԵՎԱՆ, 12 ապրիլի – Sputnik. Ռուսաստանը Թուրքիային և մյուս երկրներին զգուշացնում է չսնել Ուկրաինայի ռազմատենչ տրամադրությունները։ Այս մասին հայտարարել է ՌԴ ԱԳ նախարար Սերգեյ Լավրովը:
Նրա խոսքով՝ Կիևի ռեժիմը կարող անխոհեմ գործողությունների դիմել, և դա կարող է վատ ավարտ ունենալ։
«ԱՄՆ-ի նավերի անցումը Սև ծով ուղեկցվում է ագրեսիվ հռետորաբանությամբ, Մոսկվան չի հասկանում, թե կոնկրետ ինչ նպատակներ է հետապնդում Վաշինգտոնը Ուկրաինայում»,-մեջբերում է նախարարի խոսքերը ՌԻԱ Նովոստին։
Ավելի վաղ՝ ապրիլի 10-ին, Թուրքիայի նախագահ Ռեջեփ Թայիփ Էրդողանը բանակցություններ էր անցկացրել Ուկրաինայի նախագահ Վլադիմիր Զելենսկու հետ, որն այցով գտնվում էր Ստամբուլում։ Նրանք կողմ են արտահայտվել Հյուսիսատլանտյան դաշինքին Ուկրաինայի անդամակցության հեռանկարին, մասնավորապես, «մոտ ժամանակներս անդամակցության վերաբերյալ գործողությունների ծրագիր ստանալուն»։
Թուրքիայում ռուս զբոսաշրջիկ է մահացել. ավելի քան 25 տուժած կա
Բացի այդ, Էրդողանը հայտարարել է, որ աջակցում է այսպես կոչված «Ղրիմի պլատֆորմին», Ուկրաինայի տարածքային ամբողջականությանն ու ինքնիշխանությանը։ Նրա խոսքով ՝ Անկարայի սկզբունքային դիրքորոշումը Ղրիմի «անեքսիան» չճանաչելն է։