ԵՐԵՎԱՆ, 12 ապրիլի - Sputnik. Երևանի Դավթաշենի 4-րդ թաղամասի շենքերից մեկից տղամարդ է ընկել առաջին հարկի պատշգամբի ծածկին։ Տեղեկությունը հայտնում է ՀՀ ԱԻՆ մամուլի ծառայությունը։
Նշվում է, որ ահազանգն ԱԻՆ Ճգնաժամային կառավարման ազգային կենտրոնում ստացել են ապրիլի 12-ին, ժամը 11։25-ին, դեպքի վայր է մեկնել ԱԻՆ ՓԾ Երևան քաղաքի հատուկ հրշեջ ջոկատից մեկ մարտական հաշվարկ։
Պարզվել է, որ քաղաքացին (Ե․ Պ․) ընկել է 4-րդ հարկի իր բնակարանից։
Փրկարարները քաղաքացուն իջեցրել և մոտեցրել են շտապօգնության ավտոմեքենային։ Տուժածը հոսպիտալացվել է «Արմենիա» ՀԲԿ։
Ինքնասպանության պատճառներն ու նշանները. ի՞նչ է ցույց տալիս վիճակագրությունը Հայաստանում