ԵՐԵՎԱՆ, 10 մարտի – Sputnik. Հայտնի երգիչ Սոսո Պավլիաշվիլին Հայաստանում աղավնիներ է երկինք բաց թողել։
Instagram-ում հրապարակած տեսանյութում Պավլիաշվիլին աղավնիներ է թռցնում Խոր Վիրապ վանական համալիրի տարածքում։
«Խաղաղություն բոլորիս և մտքի պայծառացում։ Սիրով Հայաստանից»,– հրապարակված տեսանյութն այսպես է մեկնաբանել էստրադային երգիչը։
Նշենք, որ Սոսո Պավլիաշվիլին հայտնի է իր հայասեր դիրքորոշմամբ ու մշտապես իրեն ներկայացնում է որպես Հայաստանի բարեկամ։
Թե ինչու է նա եկել մեր երկիր, դեռ հայտնի չէ։
Բայց նշենք, որ ռուսաստանցի մի շարք աստղեր այսօր ՀՀ–ում են. Հայաստան են եկել հայտնի գործարար, ԲՀԿ նախագահ Գագիկ Ծառուկյանի որդու հարսանեկան արարողությանը մասնակցելու նպատակով։