ԵՐԵՎԱՆ, 9 ապրիլի – Sputnik. Շիրակի մարզից գերեվարված զինծառայողների ծնողներն ու հարազատները շարունակում են փակ պահել Գյումրի-Երևան մայրուղին: Այս պահին փակ են մայրուղու Հոռոմի խաչմերուկի հատվածը, Ազատանի մուտքը, Գյումրի-Վանաձոր միջպետական, ինչպես նաև Աշոցքից Գյումրի մտնող ճանապարհները: Առավոտից փակ է նաև գնացքների ճանապարհը՝ Իսահակյան և Բայանդուր գյուղերի հատվածում:
Ավելի վաղ գերիներից մեկի հարազատը Sputnik Արմենիայի թղթակցին ասել էր, որ ճանապարհը կբացեն միայն իրենց հարազատների վերադարձի մասին ստույգ ու սպառիչ տեղեկություն ստանալուց հետո:
Հիշեցնենք, որ ճանապարհները փակել են 2020 թվականի դեկտեմբերի 16-ին Խծաբերդից գերեվարված զինծառայողների ծնողներն ու հարազատները:
Իրավիճակը սրվեց երեկ` նոյեմբերի 8–ին, երբ «Էրեբունի» օդանավակայանում գերիների խմբին սպասող ծնողներին հայտնեցին, որ Բաքվից դատարկ ինքնաթիռ է ժամանել:
Անհետ կորած զինծառայողների հարազատները փակել են երկաթուղային ճանապարհը