ԵՐԵՎԱՆ, 8 ապրիլի – Sputnik. Սյունիքի մարզում` Կապան-Գորիս ավտոճանապարհին, հայտնաբերվել են հակատանկային արկեր, ականանետի ականներ և նմանատիպ զինամթերքի մնացորդներ։ Տեղեկությունը հայտնում է ՀՀ ԱԻՆ մամուլի ծառայությունը։
Նշվում է` ահազանգն այն մասին, որ Կապան-Գորիս ավտոճանապարհի 43-րդ կմ-ի մոտակայքում՝ դաշտամիջյան հատվածում, արկ է հայտնաբերվել, Սյունիքի մարզային ճգնաժամային կառավարման կենտրոնում ստացել են ապրիլի 8-ին, ժամը 17։16-ին:
Դեպքի վայր է մեկնել ԱԻՆ ՓԾ մարզային փրկարարական վարչության Շուռնուխի հենակետից մեկ մարտական հաշվարկ։
Փրկարարները սահմանազատել են տարածքը և հայտնաբերվածը հանձնել համապատասխան ծառայության աշխատակիցներին։
Արցախում բրիտանական ականազերծող ընկերության լրտեսության մասին քրգործը վարույթ է ընդունվել