ԵՐԵՎԱՆ, 5 ապրիլի – Sputnik. Ռուսաստանի նախագահ Վլադիմիր Պուտինը օրենք է ստորագրել, որը ՌԴ ղեկավարին իրավունք է տալիս կրկին հավակնել երկու նախագահական ժամկետի։ Տեղեկությունը հայտնում է ՌԻԱ Նովոստին:
Օրենքը հստակեցնում է այն դրույթները, որոնք կապված են ՌԴ նախագահի պաշտոնը երկու ժամկետից ավել զբաղեցնելու սահմանափակման հետ: Ռուսաստանի Դաշնության Սահմանադրության դրույթը, որը սահմանափակում է այն ժամկետների քանակը, որի ընթացքում նույն անձը կարող է զբաղեցնել Ռուսաստանի Դաշնության նախագահի պաշտոնը, տարածվում է Ռուսաստանի Դաշնության նախագահի պաշտոնը զբաղեցրած և (կամ) զբաղեցնող անձի վրա` առանց հաշվի առնելու այն ժամկետների քանակը, որի ընթացքում նա զբաղեցրել և (կամ) զբաղեցնում է այդ պաշտոնը Ռուսաստանի Դաշնության Սահմանադրության փոփոխությունն ուժի մեջ մտնելու պահին, որը համապատասխան սահմանափակում է մտցնում, և չի բացառում հնարավորությունը, որ նա զբաղեցնի Ռուսաստանի Դաշնության նախագահի պաշտոնը նշված դրույթով թույլատրված ժամկետում:
Պեսկովն ասել է, թե ինչպես է զգում իրեն Վլադիմիր Պուտինը պատվաստումից հետո
Ավելի վաղ ՌԴ Պետդուման օրենք էր ընդունել, որը ներկայիս նախագահին իրավունք է տալիս հավակնել ևս երկու ժամկետի: Այս նախաձեռնության հեղինակներն են պատգամավորներ Պավել Կրաշենիննիկովը և Օլգա Սավաստյանովան, ինչպես նաև սենատոր Անդրեյ Կլիշասը:
15 մլն դոլար` Ռուսաստանից. Ռուդենկոն ասել է` քանի անգամ են խոսել Փաշինյանն ու Պուտինը