ԵՐԵՎԱՆ, 5 ապրիլի – Sputnik. Արծրուն Հովհաննիսյանն ազատվել է ՀՀ ՊՆ կադրային և ռազմակրթական քաղաքականության գլխավոր վարչության կրթության վարչության պետի պաշտոնից։
Sputnik Արմենիայի տեղեկություններով` նա սեփական դիմումի համաձայն պաշտոնից ազատվել է մոտ մեկ շաբաթ առաջ։
Ըստ նախնական տվյալների` պատճառը ՀՀ պաշտպանության նախարար Վաղարշակ Հարությունյանի հետ ունեցած տարաձայնություններն են։
Հիշեցնենք` նա այդ պաշտոնը ստանձնել էր 2020 թվականի հուլիսին։
Արծրուն Հովհաննիսյանն այս տարվա փետրվարին հարցազրույց էր տվել Sputnik Արմենիային, խոսել պատերազմի, իրեն ուղղված մեղադրանքների, պարտության պատճառների ու այլ խնդիրների մասին։