Կրակոցներ Ծաղկաձորի «Ռոյալ» խաղատան մոտ. կասկածյալներից մեկը քաղաքապետ է

ԵՐԵՎԱՆ, 4 ապրիլի – Sputnik. Այսօր՝ ապրիլի 4-ին, կրակոցներ են հնչել Կոտայքի մարզում: Տեղեկությունը հայտնում է shamshyan.com–ը։ 

Նշվում է, որ ժամը 01:30-ի սահմաններում, ոստիկանության Հրազդանի բաժին ահազանգ է ստացվել, որ Ծաղկաձոր քաղաքի «Ռոյալ» խաղատան մոտ կրակոցներ են հնչում:  

«Ոստիկանները «Ռոյալ» խաղատան ավտոկայանատեղիում հայտնաբերել են Hyundai Elantra մակնիշի ավտոմեքենա, որի դիմապակին, շարժիչի ծածկոցն ու առջևի թափարգելը եղել են վնասված վիճակում: Դեպքի վայրի զննությամբ հայտնաբերվել է 1 հատ չկրակված որսորդական փամփուշտ, 1 հատ որսորդական փամփուշտի միջի պոլիէթիլենային միջնադիր (պիժ)»,–գրում է կայքը:  

Փաստի առթիվ ոստիկանության Հրազդանի բաժնի հետաքննչական բաժանմունքում նյութեր են նախապատրաստվում:  

Կայքի տեղեկություններով` ոստիկանները որպես նշված միջադեպի կասկածյալ մասնակից որոնում են հանրապետության քաղաքապետներից մեկին:   

Գեղարքունիքում հարսանիքի ընթացքում կրակոցներ են հնչել