ԵՐԵՎԱՆ, 1 ապրիլի - Sputnik.Հայաստանի հավաքականի ավագ Հենրիխ Մխիթարյանն անդրադարձել է խաղընկերների հաղթանակին՝ «Ինստագրամի» էջում տեսանյութ տեղադրելով հանդիպումից հետո ցնծացող «Հանրապետական» մարզադաշտից։
«Հայաստանը հաղթեց Ռումինիային։ Թիմի կատարած ֆանտաստիկ աշխատանք»,-գրել է Մխիթարյանը։
Հիշեցնենք, որ մարտի 31-ին ֆուտբոլի ԱԱ-20222-ի որակավորման փուլում Հայաստանն իր հարկի տակ 3:2 հաշվով հաղթեց Ռումինիային։
Երեք հանդիպումից հետո Հայաստանը 9 միավորով J խմբի միանձնյա առաջատարն է։ Հյուսիսային Մակեդոնիան ու Գերմանիան ունեն 6-ական միավոր, Իսլանդիան ու Ռումինիան՝ 3-ական։
Լիխտենշտեյնը միավորներ չունի։