ԵՐԵՎԱՆ, 1 ապրիլի - Sputnik. Հունահռոմեական ոճի ըմբշամարտի Ռիո-2016 Օլիմպիական խաղերի ոսկե մեդալակիր, Եվրոպական խաղերի հաղթող, աշխարհի եռակի և Եվրոպայի հնգակի չեմպիոն Արթուր Ալեքսանյանը (97 կգ) հանդիպել է ֆուտբոլի Հայաստանի ազգային հավաքականի ֆուտբոլիստների հետ։ Արթուրը Instagram-ի իր էջի «սթորի» բաժնում լուսանկար է հրապարակել ֆուտբոլիստներ Խորեն Բայրամյանի, Էդուարդ Սպերցյանի և Ալեքսանդր Կարապետյանի հետ։
Նշենք, որ Հայաստանի հավաքականը պատմության մեջ առաջին անգամ աշխարհի առաջնության ընտրական փուլը սկսեց երեք հաղթանակով (1։0՝ Լիխտենշտեյնի, 2։0՝ Իսլանդիայի, 3։2՝ Ռումինիայի նկատմամբ) և հանդիսանում է խմբի առաջատարը։
Երկրորդ և երրորդ տեղերում գտնվող Հյուսիսային Մակեդոնիան ու Գերմանիան ունեն 6-ական միավոր։
Խոակին Կապառոս. «Ֆուտբոլը թիմային խաղ է, անհատները լավ խաղում են, բայց հաղթում է թիմը»