ԵՐԵՎԱՆ, 29 մարտի– Sputnik. Երևանում կազմակերպված հանրահավաքից հետո ոստիկանները բերման են ենթարկել ՀՅԴ ներկայացուցիչ, Հայրենիքի փրկության շարժման համակարգող Իշխան Սաղաթելյանի հարազատներին։
«Երևանի կենտրոնում թուրքերը հարձակվել են հորաքրոջս, եղբորս և հորեղբորս որդու վրա, ապա բերման ենթարկել։ Նիկո՛լ, մտքովդ չանցնի, որ բռնություններով մեզ կարող ես ճնշել, չի՛ ստացվելու... Դու մեր ժողովրդի թշնամին, ես և մենք ու անձամբ ես, քեզ ուղարկելու ենք գրողի ծոցը.....»,– գրել է Սաղաթելյանը Facebook–ի իր էջում:
Հիշեցնենք` Հայրենիքի փրկության շարժումը երեկ համապետական հանրահավաք անցկացրեց Երևանում` շարունակելով պահանջել ՀՀ վարչապետ Նիկոլ Փաշինյանի հրաժարականը։ Ելույթներով հանդես եկան ՀՅԴ-ից Գեղամ Մանուկյանը, շարժման համակարգող, ՀՅԴ Հայաստանի ԳՄ ներկայացուցիչ Իշխան Սաղաթելյանը, շարժման՝ վարչապետի միասնական թեկնածու Վազգեն Մանուկյանը։ Ընդդիմությունը երթով անցավ Երևանի կենտրոնով։
Փաշինյանն էլ երեկ հայտարարեց, որ հրաժարական կտա ապրիլին։