ԵՐԵՎԱՆ, 27 մարտի – Sputnik. Աշխատանքային միգրանտների, ինչպես նաև նրանց պոտենցիալ գործատուների գրանցումը էլեկտրոնային ռեեստրներում պարտադիր պայման կդառնա Ռուսաստանում աշխատելու համար: Տեղեկությունը հայտնում է ՏԱՍՍ-ը՝ հղում անելով ՌԴ ՆԳՆ-ին:
Հաղորդագրության համաձայն՝ ՆԳՆ-ն մշակում է օտարերկրյա աշխատողների և նրանց գործատուների էլեկտրոնային ռեեստրի ներդրման միջոցով աշխատանքային գործունեության մեջ օտարերկրյա քաղաքացիների ներգրավման բարեփոխման մասին օրինագիծը:
«Օտարերկրյա քաղաքացիները կկարողանան աշխատել, իսկ գործատուները, աշխատանքների կամ ծառայությունների պատվիրատուները կկարողանան օտարերկրյա աշխատողներ ներգրավել համապատասխան գրանցամատյաններում գրառում ունենալու պայմանով»,– ասված է գործակալության հաղորդագրության մեջ:
Պուտինը հանձնարարել է պարզեցնել շինարարությունում միգրանտներին ներգրավելու գործընթացը
Ավելի վաղ ռուս գործարար Օլեգ Չերնովը կոչ էր արել աշխատանքային միգրանտների տվյալների միասնական բազա ստեղծել նրանց աշխատանքի տեղավորման համար:
Նրա կարծիքով` լավ կլիներ, եթե այդ բազայում ընդգրկվեին այն աշխատողների անկետաները, որոնք աշխատելու համար Ռուսաստան են մեկնում արտասահմանից։ Ըստ նրա` դա կհեշտացներ աշխատանքի փնտրտուքը և գործատուին թույլ կտար ավելի լավ հասկանալ օտարերկրյա քաղաքացու հնարավորությունները:
Միգրացիայի խոցելի կողմը. ինչով կարող է խնդրին օգնել «միասնական պատուհանը» ԵԱՏՄ երկրներում