Վաղարշակ Հարությունյանը խորհրդակցություն է անցկացրել Ռազմական ոստիկանությունում

ԵՐԵՎԱՆ, 23 մարտի – Sputnik. ՀՀ պաշտպանության նախարար Վաղարշակ Հարությունյանն այսօր` մարտի 23-ին, այցելել է ՊՆ ռազմական ոստիկանություն, խորհրդակցություն անցկացրել ՌՈ ղեկավար կազմի հետ: Տեղեկությունը հայտնում են ՊՆ մամուլի ծառայությունից։

Ռազմական ոտիկանության պետ, գնդապետ Աշոտ Զաքարյանը պաշտպանության նախարարին է ներկայացրել զինված ուժերում օրինականության և կարգապահության ամրապնդմանը միտված ընթացիկ աշխատանքներն ու արձանագրված ձեռքբերումները:

Վաղարշակ Հարությունյանը հանձնարարականներ և ցուցումներ է տվել հետագա աշխատանքների կազմակերպման վերաբերյալ:

Նշենք, որ այսօր ՀՀ պաշտպանության նախարար Վաղարշակ Հարությունյանը նաև հեռախոսազրույց էր ունեցել ՌԴ պաշտպանության նախարար, բանակի գեներալ Սերգեյ Շոյգուի հետ։ Նրանք քննարկել են Սյունիքի հարցը։