ԵՐԵՎԱՆ, 23 մարտի – Sputnik. Մոսկովյան «Դինամո»-ի կիսապաշտպան, 17-ամյա Արսեն Զախարյանը պետք է ինքը որոշի, թե որ հավաքականի համար է հետագայում հանդես գալու՝ Հայաստանի՞, թե՞ Ռուսաստանի։ Այդ մասին Sport24 պարբերականին ասել է պատանի ֆուտբոլիստի հայրը՝ Նորայր Զախարյանը։
«Թող ինքը որոշի։ Եվ Հայաստանն է մեր հայրենիքը, և Ռուսաստանը։ Ես չեմ խառնվի։ Հիմա նա խաղում է Ռուսաստանի երիտասարդական հավաքականում։ Կարծում եմ, եթե ամեն բան ստացվի, նա կխաղա Ռուսաստանի հավաքականում։ Բայց առաջ ընկնել չեմ ուզում․․․ Առայժմ թող խաղա, գոլ խփի, մեծանա»,-ասել է Նորայր Զախարյանը։
Ընթացիկ խաղաշրջանում Արսեն Զախարյանը մոսկովյան «Դինամո»-ի կազմում 6 խաղ է անցկացրել Ռուսաստանի Պրեմիեր լիգայում։ Նա մեկ գոլի և երկու գոլային փոխանցման հեղինակ է դարձել։