ԵՐԵՎԱՆ, 21 մարտի – Sputik. Հայտնի է դարձել Տոկիոյի օլիմպիադայում արտասահմանցի հանդիսատեսի բացակայության պատճառով Ճապոնիայի կրելիք վնասների չափերը. երկրի բյուջեն կկորցնի շուրջ 1,37 մլրդ դոլար: Ինչպես հաղորդում է ՌԻԱ Նովոստին, տեղի փորձագետների հաշվարկների արդյունքներն են այդպես ցույց տվել։
Նախօրեին Տոկիոյի Օլիմպիադայի կազմկոմիտեն կորոնավիրուսային հիվանդության տարածումից խուսափելու համար որոշում էր կայացրել մրցումներն անցկացնել առանց արտասահմանցի երկրպագուների:
Ինչպես հայտնի է` օլիմպիադան` կորոնավիրուսի համաճարակի պատճառով 2020–ին հետաձգվեց և կանցկացվի 2021 թվականի ամռանը (հուլիսի 23-ից օգոստոսի 8-ը), սակայն լոգոյում կպահպանվի 2020 թվականը։