Պատերազմի ժամանակ ոտքերը կորցրած տղան քայլելով տուն գնաց. հուզիչ տեսանյութ

ԵՐԵՎԱՆ, 20 մարտի - Sputnik. Երևանի պետական բժշկական համալսարանի ռեկտոր Արմեն Մուրադյանը Facebook–ի իր էջում հուզիչ տեսանյութ է հրապարակել։ Պատերազմի ժամանակ 2 ոտքը կորցրած տղաներից մեկը քայլելով տուն է գնացել։

«Արամը պրոտեզավորվեց և քայլելով գնաց տուն... Արամ Արզումանյանը պատերազմի ժամանակ կորցրել է երկու ոտքը: Պրոթեզավորումից հետո խնդրեց մի քանի ժամով տուն գնա, որպեսզի քայլելով մտնի տուն ու անակնկալ մատուցի մորը»,–գրել է տեսանյութին կից։

Տեսանյութում երևում է`ինչպես են զինվորի հարազատները, ընկերները, մայրն անհամբեր սպասում են նրա վերադարձին։

Տեսանյութը` ԱՅՍՏԵՂ։

Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։

2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։