ԵՐԵՎԱՆ, 19 մարտի - Sputnik. Պատերազմից հետո սահմանամերձ դարձած Նռնաձոր համայնքում (Սյունիքի մարզ) 148 հեկտար գյուղատնտեսական նշանակության հողեր կան, որտեղ գտնվող այգիների 60 տոկոսը չորացել է։ Ազգային ժողովի արտահերթ նիստի ժամանակ ահազանգեց անկախ պատգամավոր Աննա Գրիգորյանը` անդրադառնալով սահմանամերձ համայնքների խնդիրներին։
«1994-ին կառավարության որոշմամբ` 148 հեկտար գյուղատնտեսական նշանակության հողերը տրամադրվել են արդարադատության նախարարությանը։ 2004-ից այդ այգիները տնօրինում էր «Աջակցություն դատապարտյալներին» հիմնադրամը։ Այնտեղ քրեակատարողական հիմնարկ է գործել, որը Գորիսի տեղամաս է համարվել, սակայն վերջին 3 տարիներին այդ տեղամասը չի գործում»,–ասաց Գրիգորյանը` հավելելով, որ այդ այգիներն արդեն չորացել են։
Սահմանների որոշման գործընթացն իրավական տեսանկյունից այս պահին անորոշ է. Արմեն Սարգսյան
Պատգամավորը նշեց` Նռնաձորի բնակիչների եկամտի աղբյուրը այգեգործությունն ու անասնապահությունն են, և զարմանալի է, թե ինչու այդ հողերը չեն տրվում համայնքին։ Գրիգորյանը հայտնեց, որ դրանք վարձակալությամբ տրվել էր առանձին անհատների։
Նրա խոսքով` հիմա, երբ Նռնաձորում 30 բնակելի տուն է կառուցվում Արցախից բռնի տեղահանվածների համար, այդ հողերը պետք է վերադարձվեն համայնքին։
Սյունիք չի կարող թուրքի ոտք մտնել. Շուռնուխի սահմանին մեծ եռագույնն է ծածանվում․ տեսանյութ