ԵՐԵՎԱՆ, 18 մարտի – Sputnik. Ոստիկանության Արաբկիրի բաժնի քրեական հետախուզության բաժանմունքի ծառայողները, գողություն կատարելու կասկածանքով, Երևանի մետրոպոլիտենի «Բարեկամություն» կայարանի մոտից բերման են ենթարկել 57-ամյա մի կնոջ։ Տեղեկությունը հայտնում է ՀՀ ոստիկանության մամուլի ծառայությունը։
Ջրականում ևս մեկ աճյուն է հայտնաբերվել
«Պարզվել է, որ կինը 2020 թվականի դեկտեմբերից այս տարվա մարտի 16-ն ընկած ժամանակահատվածում Բաղրամյան և Կոմիտասի պողոտաներում, Կիևյան և Կասյան փողոցներում տեղադրված վճարային տերմինալներում պլաստմասե կտրոններ տեղադրելով՝ մետաղադրամ ընդունող սարքի մեջ առաջացրել էր խցանում, ինչից հետո հափշտակել էր մետաղադրամները», – նշված է հաղորդագրության մեջ:
Վնասի չափը պարզվում է: ՀՀ ոստիկանությունում նյութեր են նախապատրաստվում։