ԵՐԵՎԱՆ, 15 մարտի – Sputnik. Մոսկվայում կայացել է Հայաստանի Հանրապետության փոխվարչապետ Մհեր Գրիգորյանի և Ռուսաստանի Դաշնության կառավարության նախագահի տեղակալ Ալեքսեյ Օվերչուկի աշխատանքային հանդիպումը:
Կողմերը քննարկել են հայ-ռուսական առևտրատնտեսական համագործակցության արդիական հարցեր։
Հանդիպման ընթացքում անդրադարձ է կատարվել Եվրասիական տնտեսական միության շրջանակներում համատեղ աշխատանքի թեմատիկային:
Ինչպես արդեն հայտնել էինք, մարտի 16-18-ը Հայաստանից պատվիրակություն կգործուղվի Ռուսաստան։
Պատվիրակության կազմում են ՀՀ փոխվարչապետ Մհեր Գրիգորյանը, ՀՀ տարածքային կառավարման և ենթակառուցվածքների նախարարի տեղակալ Հակոբ Վարդանյանը, Հանրային ծառայությունները կարգավորող հանձնաժողովի նախագահ Գարեգին Բաղրամյանը և Մհեր Գրիգորյանի արարողակարգի պատասխանատու Դավիթ Գևորգյանը։