Եթե գործող վարչապետը հրապարակային հայտարարել է, որ պատրաստ է հրաժարական տալ և գնալ արտահերթ ընտրությունների, ապա մյուս երկու խորհրդարանական ուժերի կողմից թեկնածու չառաջադրելու պահանջն աբսուրդ է։ Sputnik Արմենիայի հետ զրույցում ասաց քաղաքագետ Ստեփան Դանիելյանը։
«Քանի որ վերջնական որոշումը կայացնում է խորհրդարանի մեծամասնությունը, ապա վարչապետի պահանջներն անհասկանալի են, այսինքն, եթե ինքը մի բան է առաջարկում, 100 տոկոսով կարող է դա իրականացնել` առանց որևէ մեկի»,- ասաց նա։
Նրա խոսքով` այս դեպքում խորհրդարանական և արտախորհրդարանական ընդդիմության մոտ կասկածներ են առաջանում, որ այս ամբողջ գործընթացը իր մեջ «ֆալշ» է պարունակում, և նպատակ ունեն ժամանակ ձգել։
Մյուս կողմից, ըստ Ստեփանյանի, արտախորհրդարանական ընդդիմությանը չի հաջողվում ուժով կամ փողոցային պայքարի միջոցով խնդիրը լուծել։
«Հիմա այս պատային վիճակը շարունակվում է, ինչ հանգուցալուծում կլինի, դժվարանում եմ ասել, գուցե հանգուցալուծումը ինչ-որ անօրինական գործողություննե՞րն են, որովհետև այլ ելք չի մնում»,- նշեց քաղաքագետը։
Նրա դիտարկմամբ` Փաշինյանը հավանաբար չի վստահում սեփական թիմի պատգամավորներին, քանի որ չի բացառվում, որ գործող վարչապետի հրաժարականի դեպքում «Իմ քայլը» խմբակցությունը կփլուզվի և իշխանական պատգամավորները կքվեարկեն հօգուտ այլ ուժի թեկնածուի։
Հիշեցնենք, որ ընդդիմությունը փետրվարի 25-ից անժամկետ ակցիաներ և նստացույց է անցկացնում խորհրդարանի շենքի մոտ՝ պահանջելով վարչապետի հրաժարականը։
Եթե Փաշինյանն անկեղծ է, հենց հիմա թող գա հրաժարական տա. Սաղաթելյան