ԵՐԵՎԱՆ, 13 մարտի - Sputnik. Ռուսաստանաբնակ հայտնի դիմահարդար, ոճաբան, երգչուհի Գոհար Ավետիսյանն ամուսնու հետ Եգիպտոսում է։ Եգիպտական հանգստի մասին նրա պատմություններն ու ճամփորդական լուսանկարները մեծ իրարանցում են առաջացրել Instagram–ում։
Եգիպտական բուրգերի ֆոնին նկարվելու համար դիմահարդարն ընտրել է Կլեոպատրայի կերպարն ու սանրվածքը, բնականաբար` ոչ առանց վառ աքսեսուարների ու աչքի ընկնող դիմահարդարման: Գոհարը հետևորդներին առաջարկել է իր նոր կերպարը մեկնաբանել մեկ բառով, ինչից հետո օգտատերերն ուղղակի «ռմբահարել» են նրան հաճոյախոսություններով։ «Գեղեցկուհի, Կլեոպատրա, աստվածուհի, շշմեցուցիչ ես, անկրկնելի»,– գրել են նրանք։
Բայց ոմանք կասկածել են, որ լուսանկարները բնական են, ոչ թե «ֆոտոշոփի» արդյունք։
Հիշեցնենք`Գոհար Ավետիսյանը արմատներով Գեղարքունիքի մարզի Մարտունի քաղաքից է, նրա ընտանիքը Մոսկվա է տեղափոխվել, երբ Գոհարն ընդամենը մեկ տարեկան է եղել։ Նա հավասարապես սիրում է թե՛ Ռուսաստանը, թե՛ Հայաստանը։ Գոհարը դիմահարդարման իր վարպետությամբ բառացիորեն գրավել է Մոսկվան։ Կոսմետիկ նյութերով սկսել է աշխատել դեռ 11-12 տարեկանում։
Ինչպես է Գոհար Ավետիսյանի տատը նրան ուղարկում հավաբուն` ձու բերելու. զվարճալի տեսանյութ
16 տարեկանում ընդունվել է Ռուսաստանի ժողովրդական տնտեսության և պետծառայության ակադեմիայի տնտեսագիտության ֆակուլտետ։ Դեռ առաջին կուրսում սկսել է շպարել բոլոր ընկերուհիներին ու ծանոթներին։ Սիրելի զբաղմունքը վերածվել է աշխատանքի, և նա ստիպված է եղել թողնել ուսումը։
«Ատոմային զենք ես». Գոհար Ավետիսյանը փայլել է իր շքեղ կազմվածքով
Արդյունքում 2012թ-ին Գոհարը սկսել է դասավանդել։ Սկզբում դիմահարդարման վարպետության դասընթացներ էր անցկացնում, իսկ հիմա արդեն սեփական դպրոցն ու ստուդիան ունի Մոսկվայի կենտրոնում։
«Ո՜նց ես նրբացել». Գոհար Ավետիսյանին պլաստիկ վիրահատությունն օգնել է նիհարել. լուսանկար