ԵՐԵՎԱՆ, 12 մարտի - Sputnik. 1994-ից ի վեր յուրաքանչյուր օրը պատերազմն ավելի մոտ էր դարձնում, ինչին մենք չէինք պատրաստվում։ Արցախյան վերջին պատերազմում կրած ծանր պարտությանն անդրադառնալով՝ հայտարարել է Արցախի Հանրապետության նախագահ Արայիկ Հարությունյանը։ ԱՀ ՊԵԿ աշխատակիցների հետ հանդիպման ժամանակ նա շեշտել է, որ պարտության ամենամեծ պատճառն այն էր, որ բանակը պատրաստ չէր պատերազմին։
Նախագահի խոսքով՝ իր կողմից արվել է ամեն ինչ օր առաջ պատերազմը դադարեցնելու համար։
«Անկախ ամեն ինչից՝ մենք ունենք մեր երկիրը կառուցելու լուսավոր, պայծառ հնարավորություններ։ Ես նոյեմբերի 3-ին, 4-ին, 5-ին, 6-ին չէի էլ կարող երազել, որ նման հնարավորություն ենք ունենալու»,- նշել է նախարարը։
Մարտին սպասվող նոր պատերազմի մասին լուրերը նախագահն անվանել է «հիվանդ երևակայության արդյունք»։
Նրա խոսքով՝ չնայած տարածքային կորուստներին, Արցախի անվտանգությունն առավել քան երբևէ ապահովված է։ Այս համատեքստում նա շեշտել է ռուս խաղաղապահների ներկայության կարևորությունը։
Հայ գերիների մի մասը Բաքվում կալանավորված է. Ալիևը նրանց անվանել է «ահաբեկիչներ»
Նախագահը կոչ է արել զարգացնել երկիրը՝ չդադարելով մտածել այն մասին, որ ապագայում հնարավորություն է լինելու քաղաքական եղանակով, բանակցությունների միջոցով գոնե հետ բերելու ԼՂԻՄ-ի կորցրած տարածքները։
Հիշեցնենք` Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։
Նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։
Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:
Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:
Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են