ԵՐԵՎԱՆ, 11 մարտի – Sputnik. Աշխարհի և Եվրոպայի չեմպիոն Յուրի Ջորկաեֆը կրկին Երևանում է: Հայաստանի ֆուտբոլի ֆեդերացիայի մամուլի ծառայությունը հայտնում է, որ այսօր աշխարհահռչակ ֆուտբոլիստը, որն այժմ զբաղեցնում է ՖԻՖԱ-ի հիմնադրամի գործադիր տնօրենի պաշտոնը, այցելել է ՀՖՖ Տեխնիկական կենտրոն/Ֆուտբոլի ակադեմիա:
ՀՖՖ նախագահ Արմեն Մելիքբեկյանի հետ հանդիպման ընթացքում քննարկվել են հայկական ֆուտբոլի զարգացման հեռանկարները և ներդրումային ապագա ծրագրերը:
Ջորկաեֆը նաև ծանոթացել է Հայաստանի ազգային հավաքականի գլխավոր մարզիչ Խոակին Կապառոսի և նրա մարզչական շտաբի անդամների հետ:
ՀՖՖ–ն խոստանում է նաև տեսանյութ հրապարակել։
Հիշեցնենք` Ջորկաեֆը Հայաստան էր ժամանել նաև 2020 թվականի դեկտեմբերին։
Յուրի Ջորկաեֆը Հայաստանի ազգային հավաքականի մարզաշապիկ է նվեր ստացել