ԵՐԵՎԱՆ, 11 մարտի – Sputnik. Հայաստանի Հանրապետության նախագահ Արմեն Սարգսյանն իր առարկություններով վերադարձրել է Արտակ Դավթյանին ՀՀ ԶՈւ գլխավոր շտաբի պետ նշանակելու մասին առաջարկությունը: Տեղեկությունը հայտնում է ՀՀ նախագահի մամուլի ծառայությունը։
Հիշեցնենք` ՀՀ վարչապետ Նիկոլ Փաշինյանը երեկ միջնորդություն էր ներկայացրել նախագահ Արմեն Սարգսյանին Զինված ուժերի գլխավոր շտաբի պետի պաշտոնում Արտակ Դավթյանին նշանակելու համար։
Նախագահը ստացել է Արտակ Դավթյանին ԳՇ պետ նշանակելու միջնորդությունը. 3 օր ժամանակ ունի
Դավթյանն արդեն զբաղեցրել է այս պաշտոնը։ Նա ՀՀ ԶՈւ գլխավոր շտաբի պետ է եղել 2018 թվականի մայիսի 24-ից մինչև 2020 թվականի հունիսի 8-ը։ Այդ պաշտոնից ազատվել է կորոնավիրուսի ժամանակ որդու հարսանիքը կազմակերպելու համար։
2021թ. մարտի 9-ին Արտակ Դավթյանը ՀՀ պաշտպանության նախարար Վաղարշակ Հարությունյանի հրամանով նշանակվել էր հատուկ հանձնարարություններով ավագ սպա:
«Արտակ Դավթյանը նշանակվում է, որ բանակը մինչև վերջ քանդի». Մովսես Հակոբյան