ԵՐԵՎԱՆ, 10 մարտի - Sputnik. ԵԱՀԿ նախագահ Ան Լինդեն առաջիկայում կայցելի Հայաստան և Ադրբեջան: Լինդեն Twitter–ի իր էջում գրառում է կատարել` հայտնելով այդ մասին։
«Բավական օգտակար ճեպազրույց ունեցանք՝ ԵԱՀԿ Մինսկի խմբի համանախագահների և իմ անձնական ներկայացուցիչ` Անջեյ Կասպրշիկի հետ Ադրբեջան և Հայաստան առաջիկա այցից առաջ»,–գրել է նա։
Լինդեի տեղադրած լուսանկարից պարզ է դառնում, որ նա ԵԱՀԿ Մինկսի խմբի համանախագահների հետ օնլայն զրույց է ունեցել։
Նշենք, որ սա Լինդեի` որպես ԵԱՀԿ նախագահ, Հայաստան նախատեսված առաջին այցն է։
Շվեդիայի արտգործնախարարը ԵԱՀԿ-ում նախագահությունը ստանձնել է 2020-ի տարեվերջին։ Լինդեն, սակայն, այս տարվա փետրվարին այցելել էր տարածաշրջան. նա եղել էր Վրաստանում, որից հետո այցելել էր Մոլդովա։
Ադրբեջան նույնպես Լինդեն այս կարգավիճակում չի այցելել։
ՌԴ ԱԳ փոխնախարարը և Հարավային Կովկասում ԵԱՀԿ ներկայացուցիչը քննարկել են Արցախի հարցը