ԵՐԵՎԱՆ, 9 մարտի - Sputnik. «Ժողովուրդ» օրաթերթի տեղեկություններով՝ ԱԺ «Իմ քայլը» խմբակցության մի խումբ պատգամավորներ ՀՀ վարչապետ Նիկոլ Փաշինյանին գանգատվել են, որ իրենց անվտանգությունը հարցականի տակ է:
Իմքայլականները փողոցներում վերջին ժամանակահատվածում հասարակության կողմից արժանանում են ագրեսիվ վերաբերմունքի, նույնիսկ միջադեպ է եղել ԱԺ մուտքի մոտ:
«Լավատեղյակ աղբյուրներից տեղեկացանք, որ վարչապետից իրենց անվտանգության համար երաշխիքներ են խնդրել պատգամավոր Սոնա Ղազարյանը, Քրիստինե Պողոսյանը, Նազենի Բաղդասարյանը ու մի քանի այլ պատգամավորներ, որոնք տարբեր ժամանակահատվածում արժանացել են ժողովրդի ցասումին: Մենք տեղեկացանք, որ ՀՀ վարչապետ Նիկոլ Փաշինյանն էլ հորդորել է այդ հարցով դիմել ուժային կառույցներին, ոստիկանությունում հաղորդագրություններ ներկայացնել, որպեսզի զբաղվեն այդ հարցերով»,–գրում է թերթը:
Իմքայլական պատգամավորներին ձվերով հարվածելու դեպքով քրգործ է հարուցվել
Թերթը գրում է նաև, որ արդեն իսկ եղել են պատգամավորներ, որոնք դիմել են ոստիկանություն իրենց վրա հարձակվողներից պաշտպանվելու համար։
Հիշեցնենք, որ «հարձակումներ» են եղել Հովիկ Աղազարյանի, Հակոբ Ասլանյանի նկատմամբ, ինչպես նաեւ իմքայլական պատգամավոր Քրիստինե Պողոսյանի որդուն էին փորձել ծեծի ենթարկել:
«Խիստ զգուշացնում եմ». Արման Թաթոյանը պատասխանել է իմքայլական պատգամավորներին