ԵՐԵՎԱՆ, 4 մարտի - Sputnik. Քրեական հետախուզության աշխատակիցները Մոսկվայի մարզում ձերբակալել են 55-ամյա «օրենքով գող» Սերգեյ Լևաշովին, որը քրեական շրջանակներում հայտնի է որպես Ռամս։ Տեղեկությունը հաղորդում է «Փրայմ Քրայմ» լրատվական գործակալությունը։
Իրավապահները կասկածում են Լևաշովին խոշոր չափերով թմրանյութերի վաճառքի փորձի մեջ։ Անձնական զննության ժամանակ քրեական հեղինակությունից առգրավել են չորս փաթեթ, որոնց մեջ մոտ 7 գրամ հերոին կար: Եթե ձերբակալվածի մեղքն ապացուցվի, նրան մինչև քսան տարի ազատազրկում է սպառնում։
Ծագումով Տյումենի մարզից Լևաշովը Մոսկվայի տարածաշրջանի ամենահեղինակավոր սլավոնական գողերից է՝ Պետրիկի ու Շիշկանի հետ։ Նա թագադրվել է 1993 թվականին, վրացի ազդեցիկ օրենքով գողեր Ջեմալ Միքելաձեի (Արսեն) ու Ռոբերտ Կալանդաձեի (Ռոբերտ) կողմից:
Երևանում բերման է ենթարկվել քրեական հեղինակություն «Ջնդին»
Զենքի և թալանի համար իր վերջին դատվածությունը Լևաշովը ստացել է դեռևս ԽՍՀՄ տարիներին և այդ ժամանակվանից ոչ մի անգամ քրեական պատասխանատվության չի ենթարկվել։
Բացահայտվել է քրեական ենթամշակույթ կրող խմբավորում, ղեկավարը «Արսեն Երևանսկին» է