ԵՐԵՎԱՆ, 2 մարտի - Sputnik. ՀՀ ԱԺ փոխնախագահ Ալեն Սիմոնյանը ՀՀ վարչապետը Նիկոլի Փաշինյանի ու ՌԴ նախագահ Վլադիմիր Պուտինի անձնական հարաբերությունները նորմալ է համարում, բայց նորմալ չի համարում, որ ինքը մտնի այդ թեմայի մեջ։
Այսօր ԱԺ–ում լրագրողների հետ ճեպազրույցում Ալեն Սիմոնյանը մեկնաբանեց ռուսական «Իսկանդերների» մասին Փաշինյանի հայտարարությունն ու ռուսական կողմի արձագանքն այն մասին, որ վարչապետին ճիշտ չեն զեկուցել։
«Ես համարում եմ, որ ռուսական զենքն ամենալավ զենքն է, և համարում եմ ՌԴ գործողությունները պատերազմի ընթացքում մաքսիմալ դաշնակցային են եղել, բայց ես համարում եմ, որ այն խնդիրները, որոնք ի հայտ են եկել, ոչ պակաս լավ հայտնի են նաև մեր ռուս գործընկերներին»,– ասաց Սիմոնյանը։
Փետրվարի 23-ին Նիկոլ Փաշինյանը 1in.am-ին տված հարցազրույցում, անդրադառնալով նախկին նախագահ Սերժ Սարգսյանի` 44-օրյա պատերազմի ընթացքում «Իսկանդերը» ժամանակին չօգտագործելու վերաբերյալ մեղադրանքներին, ասել է, որ Սարգսյանը թող հարց տա՝ ինչո՞ւ է «Իսկանդերը» պայթել 10%-ով։ Փետրվարի 25-ին ՌԴ ՊՆ–ն հայտարարեց, որ Ղարաբաղում «Իսկանդեր» ընդհանրապես չի կիրառվել։
Փաշինյանը սխալ հաշվարկ արեց. Սարգսյանը` «Իսկանդերի» և վտանգված հարաբերությունների մասին