ԵՐԵՎԱՆ, 2 մարտի – Sputnik.Արցախի հարավային թևում՝ Ադրբեջանի վերահսկողության տակ անցած վայրերում, այսօր իրականացված որոնումներն արդյունք չեն տվել: Տեղեկությունը հայտնում է Արցախի արտակարգ իրավիճակների պետական ծառայությունը։
«Զոհված զինծառայողի կամ քաղաքացիական անձանց աճյուններ չեն հայտնաբերվել»,– նշված է հաղորդագրության մեջ:
Ըստ հաղորդագրության` օրվա երկրորդ կեսին Մարտակերտի զորամասերից մեկի հարակից տարածքում զինվորները հայտնաբերել են մեկ զոհված զինծառայողի մասունք: Դատաբժշկական փորձաքննությունը կպարզի վերջինիս ինքնությունը:
Որոնումները կշարունակվեն վաղը: Արցախի արտակարգ իրավիճակների պետական ծառայությունն ուղղությունների մասին կհայտնի առավոտյան:
«Երկրի անկայուն վիճակի պատճառով բանակցությունները դադարել են»․ անհետ կորածի հարազատ
Զինադադարից հետո մինչ այսօր հայտնաբերվել է ընդհանուր 1486 աճյուն:
Այսօր հայտնի դարձավ, որ 15–օրյա դադարից հետո Արցախում աճյունների որոնողական աշխատանքները վերսկսվել են։