ԵՐԵՎԱՆ, 1 մարտի - Sputnik. Ֆրանսիայի նախկին նախագահ Նիկոլյա Սարկոզին դատապարտվել է 3 տարվա ազատազրկման՝ կոռուպցիայի ու ազդեցության վաճառքի համար, տեղեկացնում է RT-ն՝ հղում անելով AFP-ին։
Փարիզի դատարանը Սարկոզիին 3 տարվա բանտարկության է դատապարտել, որից 2 տարին՝ պայմանական։
2020-ի դեկտեմբերին դատախազությունը պահանջել էր նրան դատապարտել 4 տարվա (2-ը՝ պայմանական) ազատազրկման։
Այդ գործով անցնում է Սարկոզիի փաստաբան Թյերի Էրզոգն ու վճռաբեկ դատարանի նախկին աշխատակից Ժիլբեր Ազիբերը։
Բոլոր երեքը մեղադրվում են 2014-ին «կոռուպցիոն համաձայնագիր» կնքելու մեջ, երբ, ըստ հետաքննության, Սարկոզին գաղտնի տեղեկատվություն է ստացել Ազիբերից Էրզոգի միջոցով՝ «պաշտոնը բարձրացնելու դիմաց»։