ԵՐԵՎԱՆ, 25 փետրվարի - Sputnik. 44-օրյա պատերազմում զավակ կորցրած ծնողներին պետությունը կօժանդակի զավակ ունենալու հարցում։ Առողջապահության նախարարության այս առաջարկն այսօր հավանության արժանացավ ՀՀ առավարության հերթական նիստում։
Նախագիծը ներկայացնող նախարար Անահիտ Ավանեսյանը պարզաբանեց, որ պատերազմում զավակներ կորցրած ծնողները որպես շահառուների նոր խումբ կընդգրկվեն «Անվճար կամ արտոնյալ պայմաններով վերարտադրողականության օժանդակ տեխնոլոգիաների կիրառմամբ բժշկական օգնության և սպասարկման» կարգւմ։ Դրա արդյունքում վերարտադրողականության օժանդակության բոլոր միջոցներից նրանք կկարողանան անվճար օգտվել։
«Գործող կարգում կան որոշակի սահմանափակումներ, մասնավորապես` անզավակ լինելու և կնոջ 42 տարեկանը լրացած չլինելու պայմանները: Մինչդեռ Արցախյան երկրորդ պատերազմում զոհվածներից ոչ բոլորն են հանդիսացել զինծառայող կամ պահեստազորային, իսկ նրանց ծնողները հիմնականում ունեն այլ զավակ կամ զավակներ, կամ մոր տարիքը գերազանցում է 42-ը»,– ասաց Ավանեսյանը` հավելելով, որ 44-օրյա պատերազմի բոլոր զոհերի ծնողների համար այս սահմանափակումները հանվել են գործող կարգից։
Պետք է փորձենք ամեն րոպե մեկ ավել երեխայի կյանք փրկել. մանկական քաղցկեղի դեմ պայքարի օրն է
Այս աջակցությամբ կառավարությունն ակնկալում է ապահովել Արցախյան պատերազմում զավակ կորցրած ծնողների` վերարտադրողական օժանդակ տեխնոլոգիանի կիրառմամբ դարձյալ զավակ ունենալու ցանկության իրացումը: