ՆԱՍԱ տիեզերական գործակալությունը մի քանի լուսանկար ու տեսանյութ է հրապարակել, որ արվել են Perseverance մարսագնացի կողմից՝ Կարմիր մոլորակի վրա վայրէջք կատարելու պահին։ Հայտնվել են նաև առաջին ձայնագրությունները։ Սա վերջին ժամանակների տիեզերական գլխավոր սենսացիան է։
Perseverance-ը հաջողությամբ իջել է Մարսի մակերևութի վրա փետրվարի 18-ի լույս 19-ի գիշերը։ Ամբողջ ընթացքը տեսաձայնագրվել է միաժամանակ մի քանի տեսախցիկով։
Նշենք, որ մոտակա օրերին մարսագնացն անշարժ է մնալու, նրա տեխնիկան ստուգվելու է Երկրից։ Ու միայն մի քանի շաբաթ անց այն առաջին ուղերթը կկատարի։ 1-2 ամիս անց Perseverance-ը կգտնի հարթ մակերևույթ՝ բաց թողնելու համար իր փոքր դրոնը կամ Ingenuity մինի-ուղղաթիռը։ Դրանից հետո մարսագնացը կսկսի ապարների նմուշներ հավաքել։