ԵՐԵՎԱՆ, 23 փետրվարի -Sputnik. Երբ Իրանն ու Ռուսաստանը համատեղ արտադրություն սկսեն, «Սպուտնիկ V» պատվաստուկի ծավալը կարող է կազմել առնվազն 40 մլն չափաբաժին։ ՌԻԱ Նովոստիի փոխանցմամբ՝ տեղեկությունը հայտնել է Իրանի կառավարության պաշտոնական ներկայացուցիչ Ալի Ռաբիին։
Նրա խոսքով ՝ Ռուսաստանի հետ ստորագրված համաձայնագիրը ենթադրում է, որ համատեղ արտադրությունը կարող է սկսվել մինչև իրանական օրացույցով ընթացիկ տարվա վերջ՝ այսինքն՝ մինչ 2021 թվականի մարտի 21-ը: Գործընթացին մասնակցելու են Իրանի մասնավոր սեկտորն ու Համալեայի անվան կենտրոնը։
«Ակնկալվում է, որ արտադրական հզորությունը կկազմի պատվաստանյութի ավելի քան 40 մլն չափաբաժին»,-ասել է Ռաբիին։
Ավելի վաղ Մոսկվայում Իրանի դեսպան Քազեմ Ջալալին հայտնել էր, որ երկու երկրները պայմանագիր են ստորագրել «Սպուտնիկ V» պատվաստանյութի համատեղ արտադրության մասին:
Ռուսաստանում գրանցվել է կորոնավիրուսի դեմ երրորդ`«ԿովիՎակ» պատվաստանյութը