ԵՐԵՎԱՆ, 18 փետրվարի - Sputnik. Ճանաչված պլաստիկ վիրաբույժ, «Women’s Сlub»-ի մասնակից Սիրուն Մինասը ամուսնու` Ռաֆայելի և որդու՝ Գաբրիելի հետ հանգիստն է վայելում Եգիպտոսում։ Սիրունն իր հետևորդներին պարբերաբար ուրախացնում է նոր լուսանկարներով և տեսանյութերով։
Սիրուն Մինասը մայրանալուց հետո առաջին անգամ ընտանեկան լուսանկար է հրապարակել
Նա հրապարակել է որդու` Գաբրիելի մասնակցությամբ տեսանյութ, որում երևում է, թե ինչպես է երեխան ծովափին նստած` ավազի հետ խաղում։
«Տեսնես ինչի՞ մասին է մտածում»,– գրել է Սիրունը։
Նրա հետևորդներին շատ է դուր եկել տեսանյութը։ Նրանք բազմաթիվ դրական մեկնաբանություններ են գրել։
««Ի՜նչ համովն է», «Քաղցր տղա», «Հրաշք է»»,– գրել են նրանք։
Ավելի վաղ Սիրուն Մինասը հրապարակել էր ամուսնու և որդու համատեղ լուսանկարը։
Նշենք, որ Սիրունի և Ռաֆայելի առաջնեկը լույս աշխարհ է եկել 2020 թվականի հուլիսին։ Սիրունը որդու ծննդից հետո արագ վերադարձավ բժշկական իր աշխատանքին, իսկ եթերում նրան դեռ չենք տեսնում։
«Ձեր որդին հրաշք է». Սիրուն Մինասն ընտանեկան լուսանկար է հրապարակել