ԵՐԵՎԱՆ, 12 փետրվարի – Sputnik. Ռուս հաղորդավարուհի Օլգա Բուզովայի նախկին ամուսինը` բլոգեր Դավիթ Մանուկյանը, իրենց բաժանումը հաղթահարելու նոր միջոց է գտել. նա որոշել է շուն պահել։
Դավիթն Instagram–ի իր միկրոբլոգում հրապարակել է շան քոթոթի հետ առաջին հանդիպման կադրերը, որոնք ուղեկցվում են սիրեցյալից բաժանվելու մասին իր նոր երգով։
Կադրերում երևում է, թե ինչպես է երջանիկ Դավան գրկում կենդանուն ու ասում. «Դու ինձ երբեք չես դավաճանի»։
«Մեր ընտանիքը նոր անդամ ունի։ Վաղուց այսքան երջանիկ չէի եղել։ Իսկական փոքրիկ ընկեր»,– տեսագրությանը կից գրել է Դավան։
Նրա երկրպագուներն իսկույն արձագանքել են ու առաջարկել շանը կոչել Բուզյա, Բուզ կամ Օլ:
Մեկն էլ նկատել է. «Արդեն երկրորդ մարդն է, որ Բուզովայից բաժանվելուց հետո որոշում է լաբրադոր պահել։ Զուգադիպությո՞ւն է։ Չեմ կարծում»։
Օլգա Բուզովան ցույց է տվել Դավիթ Մանուկյանի հետ հարաբերությունների «կեղտոտ» կողմը
Հիշեցնենք, որ վերջերս Օլգա Բուզովան ցնցող հայտարարություն էր արել՝ ասելով, որ արդեն ազատ է: Այդ հայտարարությունը հետևել էր Բուզովայի ու Դավայի՝ Մալդիվներում կայացած շքեղ հարսանիքին, զույգն ընդամենը երկու շաբաթ առաջ էր ամուսնացել։ Բացի այդ Օլգան տեղեկացրել էր իր հետևորդներին, որ Դավան ծեծում ու վիրավորում է իրեն։ Դավիթը մինչ օրս նախընտրում է չմեկնաբանել կատարվածը։
Բուզովայի ու Մանուկյանի հարաբերությունները մեկուկես տարի են տևել։ Նրանք ծանոթացել են Օլգայի տեսահոլովակներից մեկի փորձերի ժամանակ. Դավան պարողներից մեկն էր։
Դիզայներ Արտաշես Օհանյանը 4 զգեստ է ստեղծել Օլգա Բուզովայի համար