ԵՐԵՎԱՆ, 5 փետրվարի – Sputnik. Բեռլինում Ռուսաստանի դեսպան Սերգեյ Նեչաևին այսօր կանչել են Գերմանիայի ԱԳՆ և ներկայացրել դիվանագետներին ՌԴ-ից արտաքսելու վերաբերյալ իրենց դիրքորոշումը։ Տեղեկությունը հայտնում է ՌԻԱ Նովոստին` հղում անելով գերատեսչությանը։
«Պետքարտուղար (Միգել) Բերգերն այսօր ՌԴ դեսպանին շտապ զրույցի է հրավիրել արտաքին գործերի նախարարություն և նրան հստակ հայտնել Գերմանիայի դիրքորոշումը», - ասել է գործակալության զրուցակիցը:
Ավելի վաղ Գերմանիայի արտգործնախարար Հայկո Մաասը և կանցլեր Անգելա Մերկելը եվրոպացի դիվանագետների արտաքսումն անհիմն էին անվանել: Մաասը սպառնացել է պատասխան միջոցներ կիրառել, եթե Մոսկվան չվերանայի որոշումը։
Եվրոպան փորձում է փրկել Ռուսաստանի հետ հարաբերություններն ու իր ապագան
Հիշեցնենք` Ռուսաստանի ԱԳՆ-ն այսօր հայտարարել է, որ Շվեդիայի, Լեհաստանի և Գերմանիայի դիվանագետները, որոնք հունվարի 23-ին մասնակցել են անօրինական ակցիային, անցանկալի անձինք են ՌԴ–ում: Նրանց կարգադրվել է լքել երկրի տարածքը։
Նրանց որևէ առիթ է պետք, եթե չկա՝ կհորինեն. Զախարովան՝ հավանական պատժամիջոցների մասին