ԵՐԵՎԱՆ, 3 փետրվարի – Sputnik.Հայաստանի ֆուտբոլի հավաքականի և Երևանի «Արարատ-Արմենիայի» նախկին գլխավոր մարզիչ Վարդան Մինասյանը պաշտոնապես գլխավորեց ղազախական «Տարազ» ֆուտբոլային ակումբը: Տեղեկությունը հայտնում է ակումբի մամուլի ծառայությունը։
Մինասյանն արդեն հանդիպել է ակումբի ֆուտբոլիստների հետ և հույս հայտնել, որ իրենց համագործակցությունը կստացվի:
«Կարծում եմ՝ մենք միասին լավ կաշխատենք։ Յուրաքանչյուր ֆուտբոլիստի հետ կցանկանայի անհատական հանդիպում ունենալ»,-ասել է մարզիչը։
Վարդան Մինասյանը մարզչական կարիերան սկսել է 2004 թվականին Հայաստանի երիտասարդական հավաքականում, այնուհետ «Փյունիկում», «Արարատ-Արմենիայում» և Հայաստանի ազգային հավաքականում: Մինասյանի գլխավորությամբ «Արարատ-Արմենիան» անցկացրել է 69 խաղ, տոնել 41 հաղթանակ, գրանցել 14 ոչ-ոքի և կրել 14 պարտություն:
Հինգ անգամ Հայաստանի լավագույն մարզիչ է ճանաչվել։
«Ռոման» հաղթեց «Վերոնային». Հենրիխ Մխիթարյանը դարձավ գոլի հեղինակ. տեսանյութ