ԵՐԵՎԱՆ, 1 փետրվարի, Sputnik. ԱՀ ՆԳՆ ԱԻ պետական ծառայությունը տեղեկացնում է, որ ռազմագործողությունների ընթացքում զոհված կամ անհետ կորած զինծառայողների փրկարար-որոնողական աշխատանքներն այսօր շարունակվում են Հադրութի և Վարանդայի (Ֆիզուլի) շրջաններում:
Նշենք, որ երեկ` հունվարի 31–ին, որոնողական աշխատանքներ չեն իրականացվել ՝ ադրբեջանական կողմի արգելքի պատճառով։
Ադրբեջանական կողմն արգելել էր որոնողական աշխատանքներ կատարել, սակայն որևէ բացատրություն չէր տվել, թե ինչի հետ է կապված այդ որոշումը։
Նշենք, որ որոնողական աշխատանքների արդյունքում, 2020 թվականի նոյեմբերի 13-ից մինչև 2021 թվականի հունվարի 31-ը՝ հայտնաբերվել է ընդհանուր 1345 աճյուն: