ԵՐԵՎԱՆ, 26 հունվարի - Sputnik. Մոսկվան ու Թեհրանը նշել են երկկողմ շահագրգռվածությունը տարածաշրջանային մի շարք հարցերի, այդ թվում՝ Լեռնային Ղարաբաղի շուրջ իրավիճակի վերաբերյալ երկխոսության ակտիվացման մեջ։ Այս մասին այսօր հայտարարել է ՌԴ արտգործնախարար Սերգեյ Լավրովը՝ Իրանի արտգործնախարար Մոհամադ Ջավադ Զարիֆի հետ բանակցությունների մեկնարկին։
«Հաշվի առնելով մեր երկրների դերը տարածաշրջանում՝ մենք հետաքրքրված ենք խորացնելու երկխոսությունն այնպիսի հարցերի շուրջ, ինչպիսիք են անվտանգությունը Պարսից ծոցում, աֆղանստանյան կարգավորման խնդիրները, ու իհարկե, կարելի է քննարկել իրավիճակը, որը ստեղծվել է Լեռնային Ղարաբաղի շուրջ Ռուսաստանի, Ադրբեջանի ու Հայաստանի ղեկավարների միջև ձեռք բերված պայմանավորվածություններից հետո»,- ասել է Ռուսաստանի արտգործնախարարը։
Ավելի վաղ, ելույթ ունենալով Բաքվում, Զարիֆը ասել էր, որ Իրանը պատրաստ է օգնել Ադրբեջանին՝ վերականգնելու ղարաբաղյան տարածքները երկու երկրների սահմանին։
Իրանի արտգործնախարարի խոսքով՝ նոր փուլ է սկսվել, որը նպաստում է տարածաշրջանում խաղաղության ու կայունության հաստատմանն ու բոլոր կողմերի շահերին։
Գերիների վերադարձ և այլ թեմաներ․ Այվազյանն ու Լավրովը հեռախոսազրույց են ունեցել