Ոչ ալկոհոլային ստեատոհեպատիտ հիվանդության ախտանշաններից մեկը կարող են լինել կարմրած ձեռքերը, գրում է ՌԻԱ Նովոստին ՝ հղում անելով ամերիկյան Mayo կլինիկայի կայքին:
Ամերիկացի բժիշկները բացահայտել են, որ ձեռքերի կարմրությունը կարող է լյարդի ոչ ալկոհոլային ճարպային հիվանդության ագրեսիվ ձևի մասին վկայել, որի բորբոքումը բերում է ցիռոզի:
Մասնագետները նշում են ոչ ալկոհոլային ստեատոհեպատիտի այլ ախտանիշներ ևս, քանի որ, բնականաբար, միայն ձեռքերի կարմրությունը բավարար չէ նման ախտորոշման համար։ Դրանք են փքվածությունը, մաշկի տակ գտնվող արյան անոթների ընդլայնումը, փայծաղի ընդլայնումը, մաշկի և աչքերի դեղնացումը:
Մասնագետները կարծում են, որ հիվանդության զարգացման պատճառները կարող են լինել ավելորդ քաշը կամ ճարպակալումը, արյան մեջ շաքարի և ճարպի բարձր պարունակությունը:
Ճապոնացի գիտնականները երիտասարդությունը վերադարձնելու միջոց են հայտնաբերել