ԵՐԵՎԱՆ, 19 հունվարի – Sputnik. Այսօրվա ընթացքում զենք-զինամթերքի վնասազերծման աշխատանքներ են նախատեսվում Արցախի Մարտակերտի շրջանի Ճանկաթաղ, Մոխրաթաղ և Տոնաշեն համայնքներում, Ասկերանի շրջանի Նորագյուղ, Այգեստան, Խնածախ և Հարավ համայնքներում, Մարտունի քաղաքում և հարակից բնակավայրերում: Տեղեկությունը հայտնում է Արցախի արտակարգ իրավիճակների պետական ծառայությունը։
«Պայթյունների ձայներ լսելու դեպքում խնդրում ենք խուճապի չմատնվել»,– նշված է հաղորդագրության մեջ:
Լրացուցիչ տեղեկությունների համար կարելի է զանգահարել ԱԻ ծառայության 911 ահազանգման կենտրոն: