ԵՐԵՎԱՆ, 18 հունվարի – Sputnik. Բժիշկ և հեռուստահաղորդավար Ալեքսանդր Մյասնիկովն իր Telegram–ալիքում նշել է տան պայմաններում կորոնավիրուսի բուժման գլխավոր սխալը, որը կարող է մահվան հանգեցնել։
«Իրականում մարդիկ կորոնավիրուսը տան պայմաններում բուժելու մարտավարության հարցում բացարձակ թյուր մոտեցում ունեն», – նշել է բժիշկը։
Մյասնիկովի խոսքով` Covid–ը ինքնուրույն անցնող հիվանդություն է (ցանկացած սուր շնչառական հիվանդության նման) և միայն օժանդակ միջոցներ է պահանջում։ Միևնույն ժամանակ, մարդիկ, լսելով դա, գլխով են անում, սակայն միայն այնքան ժամանակ, քանի դեռ իրենք կամ իրենց ընտանիքի անդամներից որևէ մեկը չեն բախվել հիվանդությանը։
Նույնիսկ որոշ բժիշկներ, կորոնավիրուսով վարակվելով, հաճախ փորձում են հասկանալ, թե ինչ դեղորայք է պետք ընդունել բարդություններից խուսափելու համար։
Մյասնիկովը հիշել է գլխավոր բժիշկներից մեկին, որն առաջարկել էր նման դեպքերում սեղմել այն բժիշկի ձեռքը, որը որևէ նշանակում չի արել։
Նա ընդգծել է, որ դժվար է որևէ դեղամիջոց չնշանակել այն մարդուն, որն ամեն օր բողոքում է ինքնազգացողությունից, թուլությունից, մարմնի կոտրտվածությունից։ Միևնույն ժամանակ հարցուփորձ անելուց հետո պարզվում է, որ հիվանդի ջերմությունը 38 աստիճանից ցածր է, հևոց չունի և պարզապես սպասել է պետք։
Մյասնիկովի խոսքով` ոմանք տան պայմաններում կորոնավիրուսի բուժման համար խորհուրդ են տալիս հորմոնալ դեղամիջոցներ և հակաբիոտիկներ օգտագործել։ Ըստ նրա`ոչ մի դեպքում նման բան անել չի կարելի։
Պուտինն ասել է, որ կորոնավիրուսի դեմ ռուսական պատվաստանյութն ամենալավն է աշխարհում
«Շատ կարևոր դեր ունի համառությունը։ Վախեցած պացիենտը բուժում է պահանջում` չհասկանալով, որ այն կարող է զրոյական օգուտի պարագայում բազմաթիվ անախորժությունների հանգեցնել։ Չի կարելի տան պայմաններում սուր շնչառական հիվանդության բուժման համար ընդունել այն, ինչով հիվանդանոցում բուժում են ծանր վիրուսային թոքաբորբը։ Կողմնակի երևույթները կարող են նույնիսկ մահացու լինել», – պարզաբանել է մասնագետը։
Հայաստանի ռուսական բազայում կորոնավիրուսի դեմ պատվաստում է սկսվել
Նա խորհուրդ է տվել թեթև և բարձր կալորիականությամբ սնունդ օգտագործել, շատ հեղուկ խմել, ինչպես ցանկացած այլ վիրուսային սուր շնչառական հիվանդության դեպքում, և ջերմիջեցնող ընդունել։ Բացի այդ, հիվանդին հանգստություն և համբերություն է պետք։ Բժիշկն առաջարկել է ուշադրություն դարձնել վիտամինների և միկրոտարրերի վրա։ Իսկ ռիսկային խմբում գտնվողներին կորոնավիրուսի ծանր ընթացքից կփրկի պատվաստումը։
Worldometer համաշխարհային վիճակագրական կայքի համաձայն` հունվարի 17-ի դրությամբ աշխարհում կորոնավիրուսի հաստատված դեպքերի ընդհանուր թիվը հասել է 94.9 միլիոնի։ Համավարակի զոհ է դարձել ավելի քան 2 մլն մարդ։