ԵՐԵՎԱՆ, 11 հունվարի – Sputnik. ՀՀ ոստիկանության նախկին պետ Արման Սարգսյանը ՀՀ վարչապետ Նիկոլ Փաշինյանի որոշմամբ նշանակվել է ՀՀ պաշտպանության նախարարի տեղակալ։ Այս մասին տեղեկանում ենք կառավարության պաշտոնական կայքից:
«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 1-ին մասով՝ Արման Սարգսյանին նշանակել Հայաստանի Հանրապետության պաշտպանության նախարարի տեղակալ», - նշված է Փաշինյանի որոշման մեջ։
Հիշեցնենք` ՀՀ Նախագահի 2020 թ. մարտի 19-ի հրամանագրով նա նշանակվել էր ՀՀ ոստիկանության պետ, իսկ 2020 թվականի հունիսի 8-ի հրամանգրի համաձայն` ազատվել պաշտոնից։